விழுப்புரம் : திருவெண்ணைநல்லூர் காவல் நிலைய எல்லைக்குட்பட்ட தொட்டி குடிசை கிராமத்தைச் சேர்ந்த (23) வயது மாற்றுத்திறனாளி பெண்ணுக்கு, மனிதநேய முனைப்பாக காவல்துறையினர் கழிப்பறை கட்டி வழங்கிய நிகழ்வு, அப்பகுதி மக்களிடையே பெரும் நெகிழ்ச்சியை ஏற்படுத்தியுள்ளது. அந்தப் பெண்ணின் குடும்பம் பொருளாதார நிலையில் பல சிரமங்களை சந்தித்து வருவதையும், அவர்களுக்கு வீட்டில் தனி கழிப்பறை இல்லாததையும் அறிந்த திருவெண்ணைநல்லூர் காவல் நிலைய ஆய்வாளர் திரு. அழகிரி, உதவி ஆய்வாளர் திரு. அன்பழகன் மற்றும் காவலர்கள் இணைந்து முன்வந்து, கழிப்பறை கட்டி வழங்குவதற்கான பொறுப்பை ஏற்றனர்.
சமூகப் பொறுப்புணர்வை முன்னிறுத்தும் வகையில், காவல்துறையினர் தங்களது சொந்த முயற்சியால் அந்தக் கட்டிடத்தை அமைத்து பெண்ணுக்கு வழங்கினர். இதனால், அந்த மாற்றுத்திறனாளி பெண் மட்டுமின்றி, அவரது குடும்பத்தினரும் மிகுந்த நெகிழ்ச்சியில் ஆழ்ந்துள்ளனர். இந்த உயர்ந்த மனிதநேயச் செயல், காவல்துறையினரின் சமூகப் பணி பொதுமக்களுக்கான அக்கறையை வெளிப்படுத்துவதாக உள்ளூர் மக்கள் கருத்து தெரிவித்துள்ளனர்.
போலீஸ் நியூஸ் பிளஸ் செய்திகளுக்காக
சென்னையிலிருந்து
திரு.முகமது மூசா
