பெண்களின் கண்ணியம், பாதுகாப்பு மற்றும் உரிமைகளை உறுதிப்படுத்துவதே அரசின் முக்கிய இலக்காகும் என்று முதலமைச்சர் விஜய் தெரிவித்துள்ளார். சிங்கப்பெண் சிறப்பு அதிரடிப்படை தொடக்க விழாவில் பேசிய அவர், பெண்களுக்கு எதிரான குற்றங்களை முற்றிலுமாக ஒழித்து, அச்சமற்ற சமூகத்தை உருவாக்க அரசு உறுதியுடன் செயல்பட்டு வருவதாக கூறினார். பெண்கள் மற்றும் குழந்தைகளின் பாதுகாப்பை வலுப்படுத்தும் வகையில் உருவாக்கப்பட்டுள்ள சிங்கப்பெண் படை, மாநிலம் முழுவதும் கண்காணிப்பு, விழிப்புணர்வு மற்றும் உடனடி நடவடிக்கை போன்ற பணிகளில் ஈடுபடும் என்றும் அவர் தெரிவித்தார். மேலும், பெண்கள் எந்த சூழலிலும் பாதுகாப்பாகவும் தன்னம்பிக்கையுடனும் வாழக்கூடிய சூழலை உருவாக்குவது அரசின் பொறுப்பு என வலியுறுத்திய முதலமைச்சர், அதற்காக தொழில்நுட்ப வசதிகளுடன் கூடிய சிறப்பு பாதுகாப்பு அமைப்புகள் தொடர்ந்து வலுப்படுத்தப்படும் என்றார்.
