திருவாரூர் : திருவாரூர் நன்னிலம்: பேரளம் மற்றும் அதன் சுற்றுவட்டார பகுதியில், பேரளம் காவல்துறையினர் ரோந்து பணியில் ஈடுபட்டனர். அப்போது பேரளம் அருகே உள்ள செருதலக்குடி மாதா கோவில் தெருவை சேர்ந்த ஜான்போஸ்கோ (33), என்பவர் அவர் வீட்டு அருகே சாராயம் விற்றது தெரியவந்தது. இதையடுத்துகாவல்துறையினர், அவரை கைது செய்து அவரிடமிருந்து 110 லிட்டர் சாராயத்தை பறிமுதல் செய்தனர். இதேபோல் சாராயம் விற்ற அதே பகுதியை சேர்ந்த ஆர்லோ(52), என்பவரை காவல்துறையினர் , கைது செய்து அவரிடம் இருந்து 15 லிட்டர் சாராயத்தை பறிமுதல் செய்தனர். விளாகம் மேலத்தெருவில் சாராயம் விற்ற பழனி பாரதி(23), பேரளம் அருகே உள்ள திருமீயச்சூர் பகுதியில் சாராயம் விற்ற வெங்கடேசன், ஆகியோரை காவல்துறையினர் , கைது செய்து, அவர்களிடம் இருந்து 120 லிட்டர் சாராயத்தை பறிமுதல் செய்து விசாரணை நடத்தி வருகின்றனர்.
