தூத்துக்குடி: தூத்துக்குடிமாவட்டத்தில் நேரடி உதவி ஆய்வாளர் பதவிக்கான தேர்வில் வெற்றி பெற்று தேர்வாகியுள்ள 42 பேருக்கு இன்று மாவட்ட காவல் கண்காணிப்பாளர் திரு.எஸ். ஜெயக்குமார் உதவி ஆய்வாளர் பணி நியமன ஆணை வழங்கி வாழ்த்து கூறினார்.
மாவட்ட காவல் கண்காணிப்பாளர் அவர்கள் பேசுகையில் காவல்துறையில் பணியாற்றுவது பொதுமக்களுடன் நேரடி தொடர்பில் இருக்கும் ஒரு உன்னதமான பணியாகும், நீங்கள் நல்ல பழக்க வழக்கங்களை கடைபிடித்து பொதுமக்களுக்கு முன்மாதிரியாக இருக்க வேண்டும்,
அதே போன்று பொதுமக்களுக்கு உதவுவதிலும், சட்டம் ஒழுங்கை பாதுகாப்பதிலும் அனைவரிடமும் ஒற்றுமையை கடைபிடித்து நேர்மையாகவும், சேவை மனப்பான்மையுடன் சிறப்பாக பணியாற்ற வேண்டும். பணியிலும், சொந்த வாழ்க்கையிலும் குறிப்பிட்ட நேரத்தை காலம் தவறாமல் கடைபிடிக்க வேண்டும்,
பயிற்சியை நல்லமுறையில் பயின்று சிறந்த உதவி ஆய்வாளர்களாக திகழவேண்டும், பணியுடன் உங்கள் குடும்பத்தின் மீதும் அக்கறை செலுத்த வேண்டும், உங்கள் உடல் நலத்தையும் ஆரோக்கியத்துடன் பேணி பாதுகாக்க வேண்டும் என்று அறிவுரை வழங்கினார்.
