அரியலூர்: அரியலூர் மாவட்ட ஆயுதப்படை மைதானத்தில் 06.02.2023 இன்று கூட்டுத்திரள் கவாத்து பயிற்சி நிறைவு விழா நடைபெற்றது. இந்நிகழ்ச்சியில் அரியலூர் மாவட்ட காவல் கண்காணிப்பாளர் திரு.கா.பெரோஸ் கான் அப்துல்லா அவர்கள் தலைமையேற்று காவல்துறையினரின் அணிவகுப்பு மரியாதையை ஏற்றுக் கொண்டார்கள்.அரியலூர் மாவட்ட கூடுதல் காவல் கண்காணிப்பாளர் திரு.பி.ரவி சேகரன் மற்றும் அரியலூர் மாவட்ட ஆயுதப்படை துணை காவல் கண்காணிப்பாளர் திரு.ப.மணவாளன் அவர்கள் முன்னிலை வகித்தனர்.
அரியலூர் மாவட்ட ஆயுதப்படை காவல் ஆய்வாளர் திரு.பத்மநாபன் அவர்கள் தலைமையிலான காவல்துறையினர் மிடுக்கான உடையில் , வான் முட்டும் சத்தத்துடன் சீர்மிகு நடையில் அணிவகுப்பு மரியாதை அளித்தனர். இதில் 250 க்கும் மேற்பட்ட காவலர்கள் கலந்து கொண்டனர்.
