திருநெல்வேலி : திருநெல்வேலி மாவட்டத்தில் காவல்துறைக்கும், பொதுமக்களுக்கு இடையே நல்லுறவை மேம்படுத்தும் வகையில் திருநெல்வேலி மாவட்ட காவல் கண்காணிப்பாளர் திரு.ப.சரவணன், இ.கா.ப., அவர்கள் அறிவுரையின் படி மாவட்டத்தில் பல்வேறு நடவடிக்கைகள் எடுக்கப்பட்டு வருகின்றது. இதன் அடிப்படையில் மானூர் காவல்நிலைய சரகத்திற்குட்பட்ட மானூர் சுற்றியுள்ள பகுதியிலுள்ள பொதுமக்களிடம் நல்லுறவு ஏற்படுத்தும் விதமாக அப்பகுதியிலுள்ள இளைஞர்கள் மற்றும் பொதுமக்களுக்கு (12.03.2023), (volleyball) கைப்பந்து விளையாட்டுப் போட்டி மானூர் காவலர் குடியிருப்பு பகுதியிலுள்ள மைதானத்தில் வைத்து நடைபெற்றது. பின்பு விளையாட்டு போட்டியில் வெற்றி பெற்ற அணிகளுக்கு மானூர் காவல் ஆய்வாளர் திரு. சபாபதி அவர்கள் பரிசுகள் வழங்கினார். இந்நிகழ்ச்சியில் உதவி ஆய்வாளர்கள் திரு. பழனி, திரு. கணேஷ் குமார், திரு. விஜயகுமார் மற்றும் காவலர்கள், பொதுமக்கள் கலந்து கொண்டனர்.
