தூத்துக்குடி: தட்டார்மடம் காவல் நிலைய உதவி ஆய்வாளர் திரு. முரளிதரன் தலைமையிலான போலீசார் நேற்று (08.08.2021) ரோந்து பணியில் ஈடுபட்ட போது பூவுடையார்புரம் பகுதியில் உள்ள ஒரு தென்னந்தோப்பில் நடுவக்குறிச்சியை சேர்ந்த பால்துரை மகன் ஆத்திலிங்கராஜ் 57, மேலநடுவக்குறிச்சியைச் சேர்ந்த சண்முகசுந்தரம் மகன் கந்தையா 44, சொக்கன்விளை பகுதியைச் சேர்ந்த சிந்தாமணி மகன் நார்சுயம்பு 47, நடுவக்குறிச்சி பகுதியை சேர்ந்த பால்பாண்டி மகன்கள் கணேசன் 59, சக்திவேல் 52 மற்றும் பூச்சிகாடு பகுதியைச் சேர்ந்த ராஜாமணி மகன் எபன்ராஜ் 48 ஆகிய 6 பேர் சட்டவிரோதமாக பணத்திற்காக சீட்டு வைத்து சூதாட்டத்தில் ஈடுபட்டது தெரியவந்தது.
இதுகுறித்து தட்டார்மடம் காவல் நிலைய உதவி ஆய்வாளர் திரு. முரளிதரன் வழக்குப்பதிவு செய்து 6 பேரையும் கைது செய்தார். மேலும் அவர்களிடமிருந்து சீட்டு கட்டுகளும், ரூபாய் 11,000/- பணமும் பறிமுதல் செய்யப்பட்டது.
