திருநெல்வேலி: திருநெல்வேலி மாநகர காவல் துறையில் பயன்படுத்தப்பட்டு கழிவு செய்யப்பட்ட 2 நான்கு சக்கர வாகனங்கள் வருகின்ற (04.11.2024)-ம் தேதி காலை 10 மணிக்கு திருநெல்வேலி மாநகர ஆயுதப்படை மைதானத்தில் வைத்து பொது ஏலத்தில் விடப்படும் என்று அறிவிக்கப்படுகிறது. ஏலம் எடுக்க விரும்புவோர் (03.11.2024)-ம் தேதி காலை 10.00 மணி முதல் திருநெல்வேலி மாநகர ஆயுதப்படை மோட்டார் வாகனப்பிரிவில் நிறுத்தி வைக்கப்பட்டுள்ள வாகனங்களை பார்வையிட்டுக் கொள்ளலாம்.
மேலும் வாகனங்களை ஏலம் எடுக்க விருப்பம் உள்ளவர்கள் வாகனத்திற்கு ரூ.5000/- முன்பணம் செலுத்தி தங்களது பெயர்களை பதிவு செய்து கொள்ளுதல் வேண்டும். ஏலம் எடுத்தவுடன் முழுத்தொகை மற்றும் அதற் குண்டான சரக்கு மற்றும் சேவை வரி (நான்கு சக்கர வாகனத்திற்கு 18%) முழுவதையும் அரசுக்கு அன்றே ரொக்கமாக செலுத்தி வாகனத்தை பெற்றுக் கொள்ள வேண்டும் என தெரிவித்து கொள்ளப்படுகிறது.
