மதுரை : மதுரை மாவட்ட காவல்துறையின் துரித நடவடிக்கையால் பல்வேறு குற்றச்சம்பவங்கள் மதுரை புறநகர் மாவட்டத்தில் குறைந்துள்ளது. மதுரை மாவட்ட காவல் கண்காணிப்பாளர் அவர்கள், மதுரை மாவட்டத்தில் திருட்டு, வழிப்பறி, மற்றும் சைபர் குற்றங்கள் போன்ற குற்றச்செயலில் ஈடுபடுபவர்கள் மீது கடுமையான நடவடிக்கை எடுக்க உத்தரவிட்டுள்ளார்கள். கடந்த (27.09.2023)ம் தேதி மதுரை மாவட்டம் பேரையூர் உட்கோட்டம் நாகையாபுரம் காவல் நிலையத்திற்குட்பட்ட வெங்கடாஜலபுரம் பகுதியை சேர்ந்த நபர் ஒருவரிடம் Chef பெருமாள் என்ற நபர் பேஸ்புக் மூலமாக பழகி வெளிநாட்டில் வேலை வாங்கி தருவதாக ஆசை வார்த்தை கூறி பணம் ரூ.2,30,000/-ஐ பெற்றுக்கொண்டு வேலை வாங்கி தராமல் ஏமாற்றி விட்டதாக கொடுத்த புகாரின் பேரில் மதுரை மாவட்ட சைபர் கிரைம் காவல் நிலையத்தில் வழக்கு பதிவு செய்யப்பட்டது.
இந்நிலையில் மேற்படி சம்பவம் தொடர்பாக குற்றவாளியை கண்டுபிடிக்க மதுரை மாவட்ட காவல் கண்காணிப்பாளர் அவர்கள், உத்தரவின் பேரில் சைபர் கிரைம் ஆய்வாளர் தலைமையில் தனிப்படை அமைக்கப்பட்டு தீவிர விசாரணை மேற்கொள்ளப்பட்டு வந்தது. மேற்படி குற்றச்சம்பவம் தொடர்பாக குற்றவாளியை கண்டறிந்து சம்பந்தப்பட்ட சிவகங்கை ஆலங்குடி மேலமாகானத்தை சேர்ந்த தென்னரசு என்பவரது மகன் வெங்கடேச பெருமாள் Chef பெருமாள் என்பது தெரியவந்தது. மேலமாகாணத்தில் பதுங்கியிருந்த குற்றவாளியை தனிப்படையினர் கைது செய்து அவரிடமிருந்து குற்றச்செயலுக்கு பயன்படுத்திய செல்போனை கைப்பற்றி நீதிமன்ற காவலுக்கு அனுப்பி வைத்தனர். இந்நிலையில் குற்றச்சம்பவம் தொடர்பாக குற்றவாளி யாரென்று கண்டறிந்து கைது செய்த தனிப்படையினரை மதுரை மாவட்ட காவல் கண்காணிப்பாளர் அவர்கள் வெகுவாக பாராட்டினார்கள். மேலும், இதுபோன்ற குற்றச்செயல்களில் ஈடுபடுவோர் மீது கடும் நடவடிக்கை மேற்கொள்ளப்படும் என மதுரைமாவட்ட காவல் கண்காணிப்பாளர் அவர்கள்எச்சரித்துள்ளார்கள்.
மதுரையிலிருந்து நமது குடியுரிமைநிருபர்
திரு.விஜயராஜ்
