விருதுநகர்: விருதுநகர் மாவட்டம் சிவகாசி உட்கோட்டம், சிவகாசி நகர் காவல் நிலைய சரகம், பூவநாதபுரம் மேற்குத் தெருவைச் சேர்ந்த இராமசாமி என்பவரது மனைவி கோசலை 65. என்பவர் கடந்த 27.02.2024-ம் தேதி மதியம் 12.30 மணியளவில் சிவகாசி அருகிலுள்ள சுந்தரராஜபுரத்திலிருந்து சிவகாசி வருவதற்கு அரசு பேருந்தில் வந்தபோது, கோசலையின் அருகில் அமர்ந்திருந்த பெண் ஒருவர் அவரின் கவனத்தை திசை திருப்பி கோசலை அணிந்திருந்த 4 பவுன் தங்க செயினை திருடி உள்ளார். இது தொடர்பாக கோசலை கொடுத்த புகாரின்பேரில் வழக்கு பதிவு செய்யப்பட்டது. இவ்வழக்கில் சம்பந்தப்பட்ட குற்றவாளியை விரைவில் கண்டுபிடித்து கைது செய்ய விருதுநகர் மாவட்ட காவல் கண்காணிப்பாளர் திரு.கா.பெரோஸ்கான் அப்துல்லா அவர்கள் அறிவுறுத்தியதன் பேரில் தனிப்படை அமைத்து, தீவிர புலன் விசாரணை செய்து குற்றவாளியை தேடி வந்த நிலையில் கோவில்பட்டி, மந்தி தோப்பைச் சேர்ந்த மகாராஜன் என்பவரின் மனைவி பொன்னுத்தாய் 28. என்பவர் மேற்படி திருட்டு சம்பவத்தில் ஈடுபட்டது கண்டுபிடிக்கப்பட்டு, அவரை 17.06.2024ம் தேதி கைது செய்து திருடு போன 4 பவுன் தங்க செயின் மீட்கப்பட்டு, மேற்படி குற்றவாளியை நீதிமன்ற காவலுக்கு உட்படுத்தப்பட்டுள்ளார்.
