அரியலூர்: அரியலூர் மாவட்ட காவல்கண்காணிப்பாளர் திரு.கா.பெரோஸ் கான் அப்துல்லா அவர்களின் உத்தரவின்படியும்,அரியலூர் உட்கோட்ட காவல் துணைக் காவல் கண்காணிப்பாளர் அவர்களின் வழிகாட்டலின்படி இன்று 10.02.2023 தேதி திருமானூர் காவல் நிலைய எல்லைக்குட்பட்ட திருமானூர் கிராமத்தில் பொதுமக்களை அழைத்து
சாலையில் பாதுகாப்புடன் பயணம் செய்வது குறித்தும், சட்ட விரோதமாக போதைப் பொருட்களை வாங்கி,விற்பது சம்பந்தப்பட்ட புகார்களை எவ்வாறு காவல்துறையினருக்கு தெரியப்படுத்துவது, இதற்கு அரசாங்கம் ஏற்படுத்தியுள்ள இலவச தொலைபேசி எண் 10581 பற்றி விளக்கப்பட்டது. மது மற்றும் பிற போதை பழக்கத்தின் பாதிப்பு பற்றியும், மீள்வதற்கு உள்ள வழிமுறைகளைப்பற்றியும், அதனால் உடலில் ஏற்படும் பாதிப்பு பற்றியும், சமுதாயத்தில் மதிப்பு குறைவது பற்றியும் விழிப்புணர்வு பிராச்சாரம் செய்யப்பட்டு துண்டு பிரசுரங்கள் வழங்கப்பட்டது. மேலும் திருந்தி வாழ நினைப்பவருக்கு அரசாங்கம் கொடுக்கும் சலுகைகள் பற்றிய விழிப்புணர்வும் ஏற்படுத்தப்பட்டது.
என்றும் மக்கள் பாதுகாப்பிற்காக,
அரியலூர் மாவட்ட காவல்துறை…
