திருநெல்வேலி: திருநெல்வேலி மாவட்டம் களக்காடு காவல் சரகம் கோவிலம்மாள்புரத்தைச் சேர்ந்த மாயாண்டி மகன் இசக்கிப்பாண்டி (27). இவர், இன்ஸ்டாகிராமில் இரு தரப்பினருக்கு இடையே பிரச்னையை தூண்டும் வகையில் தடை செய்யப்பட்ட ஆயுதங்களுடன் இருக்கக்கூடிய வீடியோ- மற்றும் புகைப்படத்தில் சர்ச்சைக்குரிய வசனங்களை பதிவேற்றம் செய்துள்ளார். இது குறித்த தகவலின்பேரில், களக்காடு காவல் உதவி ஆய்வாளர் கணபதி வழக்குப்பதிந்து இசக்கிப் பாண்டியை கைது செய்தார்.
இது குறித்து திருநெல்வேலி மாவட்ட காவல் கண்காணிப்பாளர் N..சிலம்பரசன், இ.கா.ப., கூறுகையில், மாவட்ட காவல்துறை சார்பில் சமூகவலைதளங்கள் உன்னிப்பாக கண்காணிக்கப்படுகிறது. பொது அமைதியை சீர்குலைக்கும் வகையில் சமூக வலைதளங்களில் பதிவு செய்து வதந்தியை பரப்புபவர்கள் மீது வழக்குப்பதிவு செய்து கடுமையான நடவடிக்கை எடுக்கப்படும் என்றார்.
திருநெல்வேலியில் இருந்து நமது குடியுரிமை நிருபர்
சண்முகநாதன்
