தஞ்சை: தஞ்சை மாவட்டம் காவல்துறை கண்காணிப்பாளர் திரு .தேஷ்முக் சேகர் சஞ்சய் IPS அவர்களின் உத்தரவின் படி கும்பகோணம் காவல்துறை துணை கண்காணிப்பாளர் திரு .பாலகிருஷ்ணன் மேற்பார்வையில் அனைத்து பழைய குற்றவாளிகளையும் காண்காணித்து வரும் தனிப்படை போலீசாருக்கு சுவாமிமலை அருகே உள்ள செருகுடி என்ற கிராமத்தில் முன் விரோதம் காரணமாக கொலை செய்ய சதி திட்டம் தீட்டி பயங்கர ஆயுதங்களுடன் சிலர் பதுங்கி இருப்பதாக ரகசிய தகவல் வந்ததை தொடர்ந்து சுவாமிமலை காவல் நிலைய ஆய்வாளர் மகாலட்சுமி தலைமையில் தனிப்படை உதவி ஆய்வாளர் கீர்த்திவாசன் மற்றும் போலீசார்கள் அப்பகுதிக்கு சென்றார்கள்.
போலீசாரை கண்டதும் தப்ப முயன்ற கும்பகோணம் அருகே உள்ள கள்ளப்பெரம்பூரை சேர்ந்த அன்பு குமார் , கும்பகோணத்தை சேர்ந்த பிரபாகரன் மற்றும் தஞ்சாவூர் ஆறுமுகம் ஆகிய மூன்று பேரை தனிப்படை போலீஸ்சார் சுற்றி வளைத்து அதிரடியாக கைது செய்தார்கள் . அவர்கள் வைத்திருந்த ஆயுதங்கள் மற்றும் செல் போன்களையும் கைப்பற்றி சுவாமிமலை காவல் நிலையத்தில் வழக்கு பதிவு செய்து விசாரணை மேற்கொண்டு வருகிறார்கள்.
நமது செய்தியாளர்
குடந்தை
ப-சரவணன்
கும்பகோணம்
