விருதுநகர்: விருதுநகர் உட்கோட்டம், விருதுநகர் கிழக்கு காவல் நிலைய சரகம், இராமமூர்த்தி ரோடு, திருவேங்கடம் மருத்துவமனை அருகில் குருசாமி என்பவரின் மனைவி வேலம்மாள் 75. என்பவர் வயது முதிர்வு காரணமாக தனிமையில் வசித்து வந்துள்ளார். இந்நிலையில் கடந்த 11.06.2024ம் தேதி மாலையில் அடையாளம் தெரியாத நபர் ஒருவர் மேற்படி வேலம்மாளை கொலை செய்து விட்டு அங்கிருந்து தப்பியோடி தலைமறைவாகி விட்டார். இது தொடர்பாக விருதுநகர் கிழக்கு காவல் நிலையத்தில் கொலை வழக்கு பதிவு செய்யபட்டுள்ளது. மேற்படி வழக்கில் சம்பந்தப்பட்டு தலைமறைவான குற்றவாளியை விரைவில் கண்டுபிடித்து கைது செய்து நடவடிக்கை எடுக்க வேண்டி விருதுநகர் மாவட்ட காவல் கண்காணிப்பாளர் திரு.கா.பெரோஸ்கான் அப்துல்லா அவர்கள் அறிவுறுத்தியதன் பேரில் தனிப்படை அமைத்து, அப்பகுதியில் உள்ள CCTV கேமரா காட்சிகளை ஆய்வு செய்து துரித புலன் விசாரணை செய்ததில் அருப்புக்கோட்டை, சொக்கலிங்காபுரம், யோகமுருகன் என்பவரின் மகன் ஜீவராஜ் 24. என்பவர் மேற்படி குற்ற செயலில் ஈடுபட்டது கண்டுபிடிக்கப்பட்டு, கைது செய்து நீதிமன்ற காவலுக்கு உட்படுத்தப்படுள்ளார்.
