நீலகிரி : நீலகிரி மாவட்டம், கூடலூர் உட்கோட்டத்தில், கூடலூர் காவல்நிலைய எல்லைக்குட்பட்ட காழம்புலாவில் உள்ள ஒரு டாஸ்மாக் கடை உடைக்கப்பட்டு திருடப்பட்டது. சூப்பர்வைசர் டாஸ்மாக் கடையை சோதனை செய்ததில் ரூ.1,52,905/- ரொக்கம் மற்றும் ரூ.8000/- மதிப்புள்ள மதுபான பாட்டில்கள் காணாமல் போனது கண்டுபிடிக்கப்பட்டது. சம்பவ இடத்துக்கு, கைரேகைக் குழுவினர் அனுப்பி வைக்கப்பட்டு ஆராய்ந்து, நேற்று இரவு சுமார் 03.00 மணியளவில் தனிப்படை அமைத்து கேரளாவில் குற்றவாளியை கூடலூர் உட்கோட்ட காவலர்கள் கைது செய்தனர்.
