திருநெல்வேலி : திருநெல்வேலி மாவட்ட காவல்துறை சார்பாக பொதுமக்களுக்கு சாலை பாதுகாப்பு குறித்தும், பெண்கள் மற்றும் குழந்தைகள் பாதுகாப்பு குறித்தும் விழிப்புணர்வு ஏற்படுத்தப்பட்டு வருகிறது. அதன்படி இன்று நாங்குநேரி காவல் நிலைய போலீசார் மற்றும் நாங்குநேரி டோல்கேட்டில் பணிபுரியும் ஊழியர்கள் இணைந்து அப்பகுதி பொதுமக்களுக்கு தலைக்கவசம் அணிவதன் முக்கியத்துவம் குறித்து விழிப்புணர்வு ஏற்படுத்தும் விதமாக இருசக்கர வாகனத்தில் தலைகவசம் அணிந்து விழிப்புணர்வு ஏற்படுத்தினார்கள். நாங்குநேரி காவல் ஆய்வாளர் திருமதி.செல்வி, அவர்கள் தலைமையில் நடந்த இந்த விழிப்புணர்வு பேரணி நாங்குநேரி டோல்கேட்டில் தொடங்கி நாங்குநேரி பஜார், பேருந்து நிலையம் வழியாக நாங்குநேரி இரயில்வே கேட்டில் நிறைவடைந்தது.
