குமரி: கன்னியாகுமரி மாவட்டம் நாகர்கோவில் மாவட்டத்தில் பல இடங்களில் மோட்டார் சைக்கிள் திருட்டு சம்பவங்கள் அரங்கேறி வந்தன இதுதொடர்பாக அந்தந்த போலீஸ் நிலையங்களில் புகார்கள் அளிக்கப்பட்டு உள்ளன. எனவே மோட்டார் சைக்கிள் திருட்டில் ஈடுபடும் மர்ம நபரை பிடிக்க தீவிர நடவடிக்கை எடுக்கும்படி போலீஸ் சூப்பிரண்டு திரு.ஹரிகிரண் பிரசாத் உத்தரவிட்டார். இந்த நிலையில் குமரி மாவட்டத்தில் பல்வேறு இடங்களில் மோட்டார் சைக்கிள் திருட்டு சம்பவங்களில் ஈடுபட்டதாக நெல்லை மாவட்டம் பாளையங்கோட்டையை சேர்ந்த நயினார் 29. என்பவரை சுசீந்திரம் போலீஸ் இன்ஸ்பெக்டர் சாய்லட்சுமி தலைமையிலான போலீசார் நேற்று கைது செய்தனர்.
