தஞ்சாவூர்: கும்பகோணம், ஆகஸ்ட்.2- கும்பகோணத்தில் நேற்று மாலை தஞ்சை சாலை டைமண்ட் தங்கும் விடுதி அருகில் உள்ள ஒரு கடை வாசலில் நிறுத்தி வைத்திருந்த TN 68 -B -7785 என்ற எண்ணுடைய இருசக்கர மோட்டார் வாகனத்தின் சாவி கனேக்சன் ஒயரை துண்டித்து எடுத்து செல்ல முயன்ற வாலிபரை கண்ட வாகன உரிமையாளர் கூச்சலிட அந்த வாலிபர் தப்பித்து ஓடினார்.
அப்போது அப்பகுதியில் சாலை போக்குவரத்தை ஒழுங்கு படுத்தும் பணியில் ஈடுபட்டிருந்த ஊர்காவல் படையை சார்ந்த திரு.மனேகரன் என்பவர் அந்த வாலிபரை விரட்டிச் சென்று சாரங்கபாணி கோவில் அருகில் பிடித்தார். இதனை பொதுமக்கள் பெரிதும் பாராட்டினார்கள்.
அதன் பின்னர் ஊர்காவல் படை தஞ்சை மாவட்ட கோட்டத் தளபதி திரு .முருகானந்தம் அவர்களுடன் இணைந்து கிழக்கு காவல் நிலைய போலீசார் வசம் கருணாகரன் என்ற அந்த வாலிபரை ஒப்படைத்தார்கள்.
அதனை தொடர்ந்து கிழக்கு காவல் நிலைய போலீசார் வழக்கு பதிவு செய்து வாகன திருட்டில் ஈடுபட்டு பிடிபட்ட வாலிபர் கருணாகரன் என்பவரிடம் தீவிர விசாரணை மேற்கொண்டு வருகிறார்கள் .
