தேனி: பெரியகுளம் அருகே காரில் கடத்திய குட்கா பறிமுதல் செய்யப்பட்டது. தேவதானப்பட்டி அருகேயுள்ள காட்ரோடு வாகன தடுப்பு சோதனைச் சாவடி பகுதியில் தேவதானப்பட்டி காவல் ஆய்வாளர் பாலமுருகன் மற்றும் சார்பு ஆய்வாளர் தங்கராஜ் ஆகியோர் வாகன சோதனையில் ஈடுபட்டிருந்தனர்.
பெரியகுளம் அருகே கொங்குவார்பட்டியில் காரை சோதனை செய்ததில் அந்த காரில் இருந்து சுமார் ரூ. 1 லட்சம் மதிப்புள்ள குட்கா புகையிலை கடத்தி வந்தது கண்டுபிடிக்கப்பட்டது. குட்கா பறிமுதல் செய்த போலீசார், காரில் வந்தவர்களிடம் விசாரணை நடத்தி வருகின்றனர்.
