ஆயுதப்படை வளாகத்தில், மாநில வளர்ச்சியில் காவல்துறையின் பங்கு!

 திருச்சி :   தமிழ்நாடு காவல்துறை இயக்குனர் அவர்களின் மேலான உத்தரவின்படி, காவலர் வீரவணக்க நாள்-2022 முன்னிட்டு காவல்துறை சார்பில் கட்டுரை போட்டி, ஓவியபோட்டி போன்ற பல்வேறு நிகழ்ச்சிகளை நடத்தி சிறப்பிக்க வழங்கப்பட்ட அறிவுரைகளின் பேரில், திருச்சி மாநகர காவல் ஆணையர் திரு.G.கார்த்திகேயன், இ.கா.ப., அவர்களின் அறிவுரைகளின்படி, திருச்சி மாநகர ஆயுதப்படை வளாகத்தில் ‘மாநில வளர்ச்சியில் காவல்துறையின் பங்கு” (The Role of Police in Development of State) என்ற தலைப்பின் கீழ் தமிழ் மற்றும் ஆங்கில மொழிகளில் கட்டுரை போட்டியும், ‘காவல் பணிகள்” (Police Duties) என்ற தலைப்பின் கீழ் ஓவியப் போட்டியும் நடத்த ஏற்பாடு செய்யப்பட்டது.

அதன்பேரில், திருச்சி மாநகர ஆயுதப்படை வளாகத்தில் (15.10.22),-ம் தேதி காவலர் வீரவணக்க நாள்-2022 முன்னிட்டு மாணவ-மாணவிகள் கலந்து கொள்ளும் ‘மாநில வளர்ச்சியில் காவல்துறையின் பங்கு” என்ற தலைப்பின் கீழ் கட்டுரை போட்டியும், ‘காவல் பணிகள்” என்ற தலைப்பின் கீழ் ஓவியப் போட்டிகளை திருச்சி மாநகர காவல் ஆணையர் அவர்கள் துவக்கி வைத்து பார்வையிட்டார்கள். நடைபெற்ற கட்டுரை போட்டியில் 15 மாணவ-மாணவிகளும், ஓவியப்போட்டியில் 55 மாணவ-மாணவிகளும் என 70 மாணாக்கர்கள் கலந்து கொண்டனர்.

மேற்படி கட்டுரை மற்றும் ஓவியப் போட்டிகளில் வெற்றிபெற்ற முதல் 3 மாணாக்கர்களுக்கு திருச்சி மாநகர காவல் ஆணையர் அவர்கள் பரிசுகளையும், வாழ்த்துகளையும் வழங்க உள்ளார்கள். இந்நிகழ்ச்சியில் திருச்சி மாநகர தலைமையக காவல் துணை ஆணையர் அவர்களும், ஆயுதப்படை கூடுதல் காவல் துணை ஆணையர் அவர்களும், கே.கே.நகர் காவல் சரக உதவி ஆணையர் அவர்களும் மற்றும் கே.கே.நகர் அரசு உயர்நிலை பள்ளியின் தலைமை ஆசிரியர் திரு.செல்வம் ஆகியோர்கள் கலந்து கொண்டார்கள்.