மதுரை: திண்டுக்கல் ரோட்டில் ஆயுதங்களை காட்டி மிரட்டி வழிப்பறியில் ஈடுபட்ட 3 பேரை போலீசார் கைது செய்தனர். விளாங்குடி கணபதி நகர் புது தெருவை சேர்ந்தவர் விஜயன் 59. இவர் திண்டுக்கல் மெயின் ரோடு கணபதி நகரில் டிபன் சென்டர் ஒன்றில் இருந்த போது அங்கு வந்த 3 பேர் பயங்கர ஆயுதங்களை காட்டி மிரட்டி அவரிடம் இருந்து பணத்தை பறித்து சென்று விட்டனர்.
இந்த சம்பவம் தொடர்பாக விஜயன் கூடல்புதூர் போலீசில் புகார் செய்தார். போலீசார் வழக்குப்பதிவுசெய்து மருதுபாண்டியர் நகர் பீ.பீ.குளத்தைசேர்ந்த பூபதி ராகவேந்திரா 19, மருதுபாண்டியர் நகர் பிபி குளம் பூமி உருண்டை தெருவைச் சேர்ந்த விக்ரம் என்ற காக்கா மண்டையன் 19 ,பீபிகுளம் இந்திரா நகர் சர்ச் தெருவை சேர்ந்த நாகூர் பிச்சை மகன் ஜமால் சிக்கந்தர் 24 ஆகிய மூவரையும் கைது செய்தனர்.
மதுரையிலிருந்து நமது நிருபர்
திரு.ரவி
