சிவகங்கை : தேவகோட்டை அருகே தேசிய நெடுஞ்சாலையில் குடும்பத்துடன் சென்ற காரின் மீது அரசு பேருந்து மோதி விபத்து மூவர் படுகாயம் அடைந்தனர். சிவகங்கை மாவட்டம் காரைக்குடியைச் சேர்ந்த வெங்கடேஸ்வரன். இவர் மனைவி கவிதா, மகன் நகுல் ஆகியோர் தேவகோட்டை இருந்து காரைக்குடி நோக்கி நகுல் கார் ஓட்டி சென்றார். கார் திருச்சி ராமேஸ்வரம் தேசிய நெடுஞ்சாலையில் சடையங்காடு விளக்கு சாலை தடுப்பு பகுதியில் நின்று கொண்டிருந்த நேரத்தில் பின்னால் அதிவேகமாக வந்த அரசு பேருந்து கார் மீது மோதி விபத்துக்குள்ளானது. அருகில் இருந்தவர்கள் பெரும் அதிர்ச்சியுடன் காரில் இருந்த நகுல் அவரது அம்மா கவிதா , இருவரும் பலத்த காயத்துடன் அவர்களை மீட்டு தேவகோட்டை அரசு மருத்துவமனைக்கு அனுப்பி வைத்தனர்.
இச்சம்பவம் அறிந்த ஆறாவயல் காவல்துறையினர் சம்பவ இடத்திற்கு விரைந்து வந்து விசாரணை நடத்தியதில் அரசு பேருந்து ஓட்டுனர் மது அருந்தியதாக தெரிய வருகிறது. மேலும் தேவகோட்டை அரசு மருத்துவமனையில் சிகிச்சையில் உள்ள மூவரிடமும் விசாரணை மேற்கொண்டனர். குடிபோதையில் விபத்து ஏற்படுத்திய அரசு பேருந்து ஓட்டுநர் தனபால் நடத்துனர் பிரபாகரனை கைது செய்தனர்.
சிவகங்கையிலிருந்து நமது குடியுரிமை நிருபர்
