திருவண்ணாமலை: திருவண்ணாமலை நகரத்தில் உள்ள அருணாச்சலேஸ்வரர் கோவில் மகாதீபம் திருவிழாவையொட்டி CLEAN AND SAFE DEEPAM 2022 பாதுகாப்பு விழிப்புணர்வு மீம்ஸ் (MEMES) போட்டி திருவண்ணாமலை மாவட்ட காவல் துறை சார்பாக தீபத்தின் போது பொதுமக்கள் குற்ற முன்னெச்சரிக்கை நடவடிக்கைகளான குற்ற விழிப்புணர்வு செயின் பறிப்பு பிக் பாக்கெட் குழந்தை கடத்தல் பெண்கள் தொடர்பான பிரச்சனைகள் மூத்த குடிமக்களுக்கான உதவி தீயனைப்பு பாதுகாப்பு, சுற்றுச்சு+ழல் தூய்மை, பிளாஸ்டிக் பயன்படுத்தாதீர் தொடர்பான மீம்ஸ்களை (MEMES) தமிழ், ஆங்கிலம், தெலுங்கு, மற்றும் ஹிந்தி ஆகிய மொழிகளில் தயார் செய்து தங்களுடைய பெயர், முகவரி மற்றும் தொலைபேசி எண்களை இணைத்து smctvmpolice@gmail.com என்ற இணையதள முகவரிக்கு அனுப்புமாறு கேட்டுக்கொள்ளப்படுகிறது.
சிறந்த மீம்ஸ்களாக தேர்ந்தெடுக்கப்படும் முதல் மூன்று நபர்களுக்கு மாவட்ட ஆட்சியர் திரு.பா.முருகேஷ், இ.ஆ.ப., அவர்கள் மற்றும் மாவட்ட காவல் கண்காணிப்பாளர் மருத்துவர்.திரு.கி.கார்த்திகேயன்,இ.கா.ப., அவர்கள் நினைவு பரிசு மற்றும் வெகுமதி வழங்குவார்கள்.
மேலும் சிறந்ததாக தேர்ந்தெடுக்கப்படும் மீம்ஸ்கள் மகாதீப திருவிழாவின்போது பொதுமக்களிடையே திரையிடப்படும் என்பது குறிப்பிடத்தக்கது. மேலும் தங்களுடைய மீம்ஸ்களை அனுப்பவேண்டிய கடைசி நாள் 28.11.2022-ந் தேதி மாலை 5 மணிக்குள் அனுப்புமாறு கேட்டுக்கொள்ளப்படுகிறது.
திருவண்ணாமலை மாவட்டத்திலிருந்து நமது நிருபர்
திரு.தாமோதரன்
