திருவண்ணாமலை: திருவண்ணாமலை மாவட்டம், பெரணமல்லூர் காவல் ஆய்வாளர் திருமதி.கோமளவள்ளி, காவல் உதவி ஆய்வாளர் திரு.ரவிச்சந்திரன் தலைமையிலான போலீசார் நேற்று ரோந்து பணியில் ஈடுபட்டனர்.
அப்போது சோழவரம் கிராமத்தை சேர்ந்த வேலு 36, திருமணி கிராமத்தைச் சேர்ந்த வடிவேல் 32, வெங்கடேசன் 58 ஆகியோர் சட்டவிரோதமாக மது விற்பனையில் ஈடுபட்டு கொண்டிருந்தனர்.
இதனை அறிந்த போலீசார் அவர்களை பிடிக்க சென்ற போது 3 பேரும் அங்கிருந்து தப்பி ஓடினர்.இதையடுத்து அப்பகுதியில் பதுக்கி வைக்கப்பட்டிருந்த 90 மதுபாட்டில்களை போலீசார் பறிமுதல் செய்தனர். மேலும் தப்பி ஓடிய 3 பேரை தேடி வருகின்றனர்.
