திருவண்ணாமலை: திருவண்ணாமலை மாவட்ட காவல் கண்காணிப்பாளர் திரு.அ.பவன் குமார் ரெட்டி,இ.கா.ப., அவர்களுக்கு கிடைத்த இரகசிய தகவலின் படி, செங்கம் உட்கோட்ட துணை காவல் கண்காணிப்பாளர் திரு.K.சரவணகுமரன் அவர்களின்
மேற்ப்பார்வையில், செங்கம் காவல் ஆய்வாளர் திரு.K.சரவணன் தலைமையில், தனிப்படை உதவி ஆய்வாளர் திரு.M.சத்தியாநந்தன், செங்கம் உதவி ஆய்வாளர் திரு.V.யேசுராஜ் மற்றும் தனிப்படை காவலர்கள் செங்கம் to போளூர் சாலையில் இராமகிருஷ்ணா மேல்நிலைப்பள்ளி எதிரில் வாகன சோதனையில் ஈடுபட்டுக்கொண்டிருக்கும் போது.
அவ்வழியே சந்தேகத்திற்கிடமாக வந்த Mahindra Pick up- TN 29 BE 3616 என்ற பதிவெண் கொண்ட வாகனத்தை மடக்கி சோதனை செய்த போது, வாகனத்தினுள் பெங்களூரிலிருந்து கடத்திவரப்பட்ட ரூபாய் 4,20,000/- மதிப்புள்ள, 420 கிலோ எடைகொண்ட 14 குட்கா (Hans) மூட்டைகள் இருந்ததை கண்டுபிடித்து பறிமுதல் செய்த தனிப்படை காவல்துறையினர்,
குற்றவாளிகள் மனோகரன் 61 மாரியம்மன் கோவில் தெரு, தளவ நாயக்கன் பேட்டை, செங்கம் வட்டம், திருவண்ணாமலை மாவட்டம், வாகன ஓட்டுனர் இளங்கோ 47 காமராஜர் நகர், காஞ்சி கிராமம், செங்கம் வட்டம், திருவண்ணாமலை மாவட்டம்.
மற்றும் வாகனத்தின் உரிமையாளர் சக்திவேல் 35 பாச்சல் கிராமம், திருவண்ணாமலை மாவட்டம் ஆகியோர்களை கைது செய்து, செங்கம் காவல் நிலையத்தில் வழக்கு பதிவு செய்யப்பட்டு நீதிமன்ற காவலுக்கு அனுப்பட்டனர்.
மேலும், குட்கா (Hans) பொருட்களை பெங்களூரிலிருந்து கடத்திவர மூளையாக செயல்பட்ட பெங்களூரை சேர்ந்த முஜாப் என்பவரை தனிப்படை காவல்துறையினர் தீவரமாக தேடிவருகின்றனர்
