தென்காசி: புளியங்குடி காவல் ஆய்வாளார் திரு.ராஜாராம், சொக்கம்பட்டி காவல் உதவி ஆய்வாளர் திரு.மாரிமுத்து ஆகியோர் தலைமையிலான போலீசார் மதுரை- தென்காசி தேசிய நெடுஞ்சாலையில் வாகன சோதனையில் ஈடுபட்டனர்.
அப்போது சந்தேகத்திற்கு இடமளிக்கும் வகையில் வந்த இரண்டு பயணிகள் ஆட்டோவை நிறுத்தி போலீசார் சோதனை செய்தனர்.அதில் 2 ஆட்டோக்களில் 33 மூட்டைகளில் 1,750 கிலோ எடையுள்ள ரேஷன் அரிசி இருப்பது கண்டுபிடிக்கப்பட்டது.
மேற்கொண்டு போலீசார் விசாரணை நடத்தியதில் ஆட்டோ ஓட்டுநர்களான மாவடிக்கால் ஓடைத்தெருவைச் சேர்ந்த சரவணகுமார் 23, சக்திவேல் 22 ஆகியோர் ரேஷன் அரிசியை கடத்தி புளியங்குடியில் உள்ள ஒரு கோழிப்பண்ணைக்கு கொண்டு செல்வதாக கூறினர்.
இதையடுத்து போலீசார் அவர்கள் 2 பேரையும் குடிமைப்பொருள் குற்றப்புலனாய்வு துறையினரிடம் ஒப்படைத்தனர்.மேலும் ரேஷன் அரிசி, ஆட்டோக்களையும் பறிமுதல் செய்தனர்.
