கோவை: கே.கே புதூர் சிந்தாமணி நகர் பகுதியில் வீட்டில் வைத்து விபச்சாரம் நடைபெறுவதாக சாய்பாபா காலனி போலீசாருக்கு தகவல் கிடைத்ததை அடுத்து அவர்கள் சம்மந்தப்பட்ட இடத்திற்கு சென்று சோதனை நடத்தினர்.
அப்போது அங்கு இளம்பெண்களை வைத்து விபசாரம் நடத்தி வந்தது தெரியவந்தது. இதையடுத்து இளம்பெண்களை வைத்து விபசாரம் நடத்திய தஞ்சாவூர் மாவட்டம் சூலமங்கலம் பகுதியை சேர்ந்த பாலசுப்பிரமணியன் என்பவரின் மகன் கார்த்திகேயன்( 40) என்ற புரோக்கரை கைது செய்தனர்.
மேலும் அங்கு விபச்சாரத்திற்காக தங்க வைக்கப்பட்டிருந்த கரூர் மாவட்டம கீழ சின்ன தாளவாடி பகுதியை சேர்ந்த ராஜா என்பவரின் மனைவி கனகா 33 மற்றும் கேரள மாநிலம் திருவனந்தபுரத்தைச் சேர்ந்த நசுருதீன் என்பவரின் மனைவி நசீமா பிபி 36 ஆகிய இரு பெண்களையும் மீட்டு காப்பகத்திற்கு அனுப்பி வைத்தனர் மேலும் இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர்.
