திருநெல்வேலி: கடையம் அருகே ரவணசமுத்திரம் முஹைதீன் தெருவைச் சேர்ந்த முஹம்மது மக்தூம் மனைவி ஹசிதாள் பேகம் 63.இவரது வீட்டில் கடந்த பிப்ரவரி மாதத்தில் பீரோவில் இருந்த நகைகள் காணாமல் போயுள்ளது. இது குறித்து ஹசிதாள் பேகம் கடையம் காவல் நிலையத்தில் புகார் அளித்தார்.
அதன் பேரில் போலீசார் வழக்குப்பதிவு செய்து நடத்திய விசாரணையில் இவரது வீட்டில் வேலை செய்யும் அதே பகுதியை சேர்ந்த செய்யது மசூது மனைவி ஷாஜகான் பீவி 47 என்பவர் பீரோவில் இருந்த ரூ.3.5 லட்சம் மதிப்பிலான நகைகளை திருடி அடகு வைத்துள்ளது தெரியவந்தது.
இதையடுத்து போலீசார் ஷாஜகான்பீவியை கைது செய்து,தனியார் நிறுவனத்தில் அடகு வைக்கப்பட்டிருந்த தங்க நகைகளை பறிமுதல் செய்தனர்.
