திருநெல்வேலி: திருநெல்வேலி மாவட்ட காவல் கண்காணிப்பாளர் திரு.நெ.மணிவண்ணன், IPS., அவர்கள் உத்தரவின்படி, மாவட்டத்திலுள்ள அனைத்து காவல் நிலையங்களுக்குட்பட்ட பகுதிகளில் வசிக்கும் பொதுமக்கள் அனைவருக்கும் கொரோனா தடுப்பு முன்னெச்சரிக்கை விழிப்புணர்வு ஏற்படுத்தப்பட்டு வருகிறது.
கொரோனா வைரஸ் தொற்று பரவாமல் தடுப்பதற்கு முகக்கவசம் கட்டாயமாக அணிதல், அடிக்கடி கைகளை சுத்தப்படுத்துதல், சமூக இடைவெளியை கடைபிடித்தல், அத்தியாவசியமின்றி வீட்டை விட்டு வெளியில் வருவதை தவிர்க்க வேண்டும் என்பது குறித்து தொடர்ந்து திருநெல்வேலி மாவட்ட காவல்துறையினர் விழிப்புணர்வு ஏற்படுத்தி வருகின்றனர்.
