நாகர்கோவில்:குமரியில் இரவு நேர ஊரடங்கு அமலுக்கு வந்ததை தொடர்ந்து, மாவட்டம் முழுவதும் விடிய, விடிய போலீசார் தீவிர கண்காணிப்பு பணியில் ஈடுபட்டனர்.
தமிழகத்தில் முழுவதும் கொரோனா தொற்றின் 2-வது அலை வேகமாக பரவி வருகிறது. இதனை தடுக்க மாநில அரசு பல்வேறு நடவடிக்கை எடுத்து வந்தாலும் தொற்று பாதிப்பு நாளுக்கு நாள் எகிறிக்கொண்டே செல்கிறது. இதனைதொடர்ந்து அரசு ஞாயிற்றுக்கிழமைகளில் முழு ஊரடங்கும், அனைத்து நாட்களிலும் இரவு 10 மணி முதல் அதிகாலை 4 மணிவரை இரவு நேர ஊரடங்கையும் நேற்று முன்தினம் அமல்படுத்தியது.