ராமநாதபுரம்: ராமநாதபுரம் ஜோதிநகரை சேர்ந்தவர் அழகர் மகன் சரவணன் 50. இவர் நேற்று சைக்கிளில் சென்று கொண்டிருந்தார். அப்போது 4 பேர் சரவணனை கத்தியை காட்டி மிரட்டி பணம் கேட்டுள்ளனர். அவர் தன்னிடம் பணம் இல்லை என்று மறுக்கவே ஆத்திரமடைந்த 4 பேரும் கத்தியால் குத்த வந்தபோது சரவணன் கத்தி கூச்சலிடவே அந்த வழியாக சிலர் வருவதை கண்ட 4 பேரும் அவரை கீழே தள்ளிவிட்டு தப்பி ஓட முயன்றனர். அந்த வழியாக வந்தவர்களும், சரவணனும் 4 பேரை பிடித்து கேணிக்கரை போலீசில் ஒப்படைத்தனர். போலீசார் நடத்திய விசாரணையில் அவர்கள் 4 பேரும் ராமநாதபுரம் பாரதிநகர் காலாங்கரையை சேர்ந்த அப்துல்ரகுமான் 22, சக்தி 22, கார்த்திகேயன் 23. முனீஸ்வரன் 20. என்பது தெரிந்தது. போலீசார் வழக்குபதிவு செய்து 4 பேரையும் கைதுசெய்து கோர்ட்டில் ஆஜர்படுத்தி சிறையில் அடைத்தனர்.
