தென்காசி : செங்கோட்டை அருகே உள்ள புளியரை சோதனைச்சாவடியில் போலீசார் வாகன சோதனையில் ஈடுபட்டனர். அப்போது அந்த வழியாக வந்த ஆட்டோவை நிறுத்தி,சந்தேகத்திற்குரிய வகையில் பையுடன் ஆட்டோவில் இருந்தவரை பிடித்து சோதனை செய்தனர்.
அப்போது, அவர் தடை செய்யப்பட்ட கேரள மாநில லாட்டரி சீட்டுகளை விற்பனைக்காக கொண்டு செல்வது தெரியவந்தது.
போலீசார் விசாரணை நடத்தியதில் கல்லிடைக்குறிச்சி புது காலனியைச் சேர்ந்த அழகேசன் என்பதும் தெரியவந்தது.
அவரைக் கைது செய்து அவரிடமிருந்து 240லாட்டரி சீட்டுகள், 10 ஆயிரம் ரூபாய் பணம் உள்ளிட்டவற்றை பறிமுதல் செய்தனர்.
