திருவண்ணாமலை : திருவண்ணாமலை மாவட்ட காவல் கண்காணிப்பாளர் மரு. கி.கார்த்திகேயன், இ.கா.ப., அவர்களுக்கு கிடைத்த ரகசிய தகவலின்படி, மதுவிலக்கு அமலாக்கப்பிரிவு காவல் துணை கண்காணிப்பாளர் திரு.SU.ரமேஷ்ராஜ் அவர்கள் மேற்பார்வையில், செங்கம் மதுவிலக்கு அமலாக்கபிரிவு காவல் ஆய்வாளர் (பொறுப்பு திருவண்ணாமலை மதுவிலக்கு அமலாக்கப்பிரிவு) திருமதி.ஆ.மலர் அவர்கள் தலைமையில், காவல் உதவி ஆய்வாளர் திரு.ஆ.சுரேஷ் அவர்கள் மற்றும் காவலர்கள் இணைந்து நடத்திய தேடுதல் வேட்டையில் திருவண்ணாமலை மாவட்டம், அவலூர்பேட்டை சாலையில் உள்ள களஸ்தம்பாடி புளியங்குளம் கிராமத்தை சேர்ந்த மோகன்தாஸ் வ/36 என்பவர் அவரது வீட்டில் உள்ள ரகசிய அறையில் 125 பிளாஸ்டிக் கேன்களில் சுமார் 4375 லிட்டர் எரிசாராயம் பதுக்கி வைத்திருந்தது கண்டுபிடிக்கப்பட்டு அவரை கைது செய்து உரிய நடவடிக்கை மேற்கொள்ளப்பட்டது.
மேலும் அவ்வழக்கில் தொடர்புடைய பிற நபர்களை பிடிக்க தனிப்படை அமைத்து நடத்திய தீவிர தேடுதல் வேட்டையில் இன்று (18.03.2023), திருவண்ணாமலை மாவட்டம், பூதமங்கலம் கிராமத்தை சேர்ந்த பொக்கிரி ஏழுமலை த/பெ பூங்காவனம் மற்றும் அதே பகுதியை சேர்ந்த ஆரா ஏழுமலை த/பெ அண்ணாமலை ஆகியோர் பூதமங்கலம் x ரோடு அருகே இருசக்கர வாகனத்தில் வந்தபோது அவர்களை மடக்கிப்பிடித்து விசாரனை செய்ததில் எரிசாராயத்தை பிளாஸ்டிக் கேனில் கொண்டு சென்றது கண்டுபிடிக்கப்பட்டு அவர்களை கைது செய்து உரிய நடவடிக்கை மேற்கொள்ளப்பட்டது. மேலும் அவர்களிடமிருந்து சுமார் 35 லிட்டர் எரிசாராயம் மற்றும் ஒரு இருசக்கர வாகனம் கைப்பற்றப்பட்டது.
