ஈரோடு : ஈரோடு மாவட்டம் சோலார் மேற்கு மண்டல ஐ.ஜி. திரு.சுதாகர் நேற்று ஈரோடு ஆனைக்கல்பாளையத்தில் உள்ள ஆயுதப்படை வளாகத்துக்கு வந்து போலீசாரின் உபகரணங்களையும் இருசக்கர மற்றும் நான்கு சக்கர வாகனங்களை பார்வையிட்டு ஆய்வு செய்தார். அவர் வாகனங்களின் தற்போதைய நிலை அவற்றின் பராமரிப்பு முறைகள் குறித்து கேட்டறிந்தார். மேலும் போலீசாரின் வஜ்ரா வாகனங்களையும் அவர் பார்வையிட்டு ஆய்வு செய்தார். ஆயுதப்படை போலீசாரிடம் குறைகளை கேட்டு அறிந்து அவர்கள் கொடுத்த மனுக்களை பெற்றுக் கொண்டார். பணியிடம் மாறுதல் குறித்தும் அதிகாரிகளுடன் பேசினார். பின்னர் ஆயுதப்படை வளாகத்தில் உள்ள அலுவலகத்திற்கு சென்று அங்குள்ள கோப்புகளை பார்வையிட்டு ஆய்வு செய்தார். ஆய்வின்போது ஈரோடு மாவட்ட போலீஸ் சூப்பிரண்டு திரு.சசிமோகன், துணை சூப்பிரண்டு சேகர், உள்பட உயர் அதிகாரிகள் உடன் இருந்தனர்.
