கோவை: கோவையை அடுத்த ஆலந்துறை பக்கமுள்ள ராமநாதபுரம் ஹைஸ்கூல் தோட்டத்தை சேர்ந்தவர் ரங்கராஜன் ( வயது 65 ) பால் வியாபாரி .இவரது மனைவி லோகாம்பாள் (வயது 60 ) நேற்று வழக்கம் போல ரங்கராஜ் பால் வியாபாரத்துக்கு சென்று விட்டார்.
லோகாம்பாள் மட்டும் வீட்டில் தனியாக தூங்கிக் கொண்டிருந்தார். அப்போது வீட்டுக்குள் புகுந்த ஒரு மர்ம ஆசாமி அவரது கழுத்தில் அணிந்திருந்த 5 பவுன் தங்க சங்கிலியை பறித்தான். இதனால் அதிர்ச்சி அடைந்த லோகாம்பாள் சத்தம் போட்டார் .உடனே அந்த ஆசாமி தப்பி ஓடிவிட்டான்.
அவரது வீட்டில் இருந்த செல்போனையும் அந்த ஆசாமி திருடிச் சென்றுள்ளான், இது குறித்து ஆலாந்துறை காவல் நிலையத்தில் புகார் செய்யப்பட்டது. போலீசார் வழக்குப்பதிவு செய்து மர்ம ஆசாமியை தேடி வருகிறார்கள்.
