சென்னை : தமிழ்நாடு காவல்துறையின் 2022-ம் வருடத்திற்கான மாநில அளவிலான துப்பாக்கி சுடும் போட்டி செங்கல்பட்டு மாவட்டம், ஒத்திவாக்கம் துப்பாக்கி சுடுதளத்தில் (08.09.2022)-ம் தேதி முதல் (10.09.2022)-ம் தேதி வரை நடைபெற்றது. இதில் தமிழக காவல்துறையின் 8 அணிகளில் 220 போட்டியாளர்கள் கலந்து கொண்டனர் அவர்களுக்கு ரைபிள் பிரிவு, பிஸ்டல்/ரிவால்வர் பிரிவு, கார்பைன் பிரிவு என மூன்று பிரிவுகளில் துப்பாக்கி சுடும் போட்டிகள் நடத்தப்பட்டதில் தமிழ்நாடு ஆயுதப்படை அணியினர் முதலிடத்தையும் தலைமையிட அணி இரண்டாம் இடத்தையும் சென்னை பெருநகர காவல் அணி மூன்றாம் இடத்தையும் பெற்றன.
மேலும் காவல்துறை உயர் அதிகாரிகளுக்கான துப்பாக்கிச் சுடும் போட்டியில் காவல்துறை தலைமை இயக்குநர் மற்றும் படைத்தலைவர் முனைவர் செ.சைலேந்திரபாபு, IPS., அவர்கள் முதலிடத்தையும், திரு.திருநாவுக்கரசு, IPS., காவல் கண்காணிப்பாளர் அவர்கள் இரண்டாம் இடத்தையும், திரு.A.அமல்ராஜ், IPS., அவர்கள் மூன்றாம் இடத்தையும் பெற்றனர். இப் போட்டியில் வெற்றி பெற்றவர்களுக்கு சுழற் கோப்பை, பதக்கங்கள், சான்றிதழ்கள் மற்றும் பண வெகுமதிகள் வழங்கப்பட்டது. மாநில அளவில் நடைபெற்ற இப்போட்டியில் வென்றவர்கள், தேசிய துப்பாக்கி சுடும் போட்டிகளில் தமிழ்நாடு காவல்துறை சார்பாக கலந்து கொள்வார்கள்.
