திருநெல்வேலி: பொதுமக்கள் மற்றும் அரசு தேர்விற்கு தயாராகும் மாணவ,மாணவியர் பயன்பெறும் வகையில் வள்ளியூர் காவல் ஆய்வாளர் திரு.சாகுல் ஹமீது அவர்கள் ஏற்பாட்டில் நமது நூலகம் என்ற பெயரில் நூலகம் வள்ளியூர் பேருந்து நிலையத்தில் உதயமாகிறது.
மேலும் காவல் ஆய்வாளர் அவர்கள் கூறுகையில் புத்தகங்களை வழங்க விரும்புவோர் வள்ளியூர் காவல் நிலையம், வள்ளியூர் பேருந்து நிறுத்தத்தில் உள்ள புறக்காவல் நிலையத்தில் காவல் துறையினரால் அமைக்கப்பட்டிருக்கும் புத்தக உண்டியலில் புத்தகங்களை வைக்கலாம்.
எனவும் அல்லது தொலைபேசியில் தொடர்பு கொண்டால் தாங்களே வந்து புத்தகத்தைப் பெற்றுக் கொள்வோம் எனவும் தெரிவித்துள்ளார். வள்ளியூர் காவல் ஆய்வாளரின் இத்தகைய புதுமுயற்சி அனைத்து மாணவ மாணவியருக்கும் மிகவும் பயனுள்ளதாக அமையும் என வள்ளியூர் பகுதி மக்கள் வள்ளியூர் காவல் நிலைய காவல்துறையினரை வெகுவாக பாராட்டி வருகின்றனர்.
