திருப்பத்தூர்: திருப்பத்தூர் மாவட்டம் திருப்பத்தூர் அடுத்த தேங்காய் ஜிட்டி குருமன்ஸ் வட்டம் பகுதியில் வசித்து வரும் சுந்தரவேலு (30) இவருக்கு விஜி (25) என்ற மனைவியும் உள்ளார். மன உளைச்சலில் இருந்த விஜி விஷமங்கலத்தில் உள்ள அவருடைய அம்மா வீட்டிற்குச் சென்று ஒரு மாத காலமாக தங்கியுள்ளார்.ஒரு மாத காலமாக வீட்டில் யாரும் இல்லாததை நோட்டமிட்ட மர்மநபர்கள் சுவற்றின் மீது ஏறி முன் கதவின் பூட்டை உடைத்து உள்ளே புகுந்து பீரோவின் பூட்டை உடைத்து பீரோவில் வைக்கப்பட்டிருந்த 50 ஆயிரம் பணம் மற்றும் திருப்பதி உண்டியல் மற்றும் சேமிப்பு உண்டியல் வைக்கப்பட்டு இருந்த 50 ஆயிரம் பணம் 2 பவுன் தங்க நகைகளை மர்ம நபர்கள் திருடிச் சென்றுள்ளனர்.
இந்த நிலையில் இரவு 10 மணி அளவில் ஓசூரில் இருந்து வீடு திரும்பிய சுந்தரவேலு தன்னுடைய வீடு உடைக்கப்பட்டு கண்டு அதிர்ந்து உள்ளார்.உள்ளே சென்று பார்த்தபோது திருடு போனதை அறிந்த சுந்தரவேலு திருப்பத்தூர் கிராமிய போலீசாருக்கு தகவல் கொடுத்ததின் அடிப்படையில் விரைந்து வந்து சோதனை மேற்கொண்டனர்
ஒரு மாத காலமாக வீட்டில் இல்லாததை நோட்டமிட்டு அக்கம்பக்கத்தினர் தான் திருடி இருக்க வாய்ப்புகள் அதிகம் என தகவல் தெரிவிக்கின்றனர் என்பது குறிப்பிடத்தக்கது.