நெல்லை: மது விற்பனையை தடுப்பதற்காக நெல்லை மாவட்டத்தின் அனைத்து காவல் நிலைய பகுதிகளிலும் போலீசார் தீவிர ரோந்து பணியில் ஈடுபட்டு வருகின்றனர்.
களக்காடு காவல் உதவி ஆய்வாளர் தேவி மற்றும் போலீசார் சிங்கிகுளம் பகுதியில் ரோந்து பணியில் ஈடுபட்டனர். அப்போது அங்கு சட்டவிரோதமாக கூடுதல் விலைக்கு மது விற்பனை செய்து கொண்டிருந்த சிங்கிகுளம் பகுதியை சேர்ந்த செந்தில்குமார்(40), பாலமுருகன்(50) மற்றும் சுற்றுவட்டார பகுதிகளில் மது விற்பனை செய்த நம்பி (44), முருகன் (47), மாரியப்பன் (46), சேதுராமன் துரை (38) ஆகிய 6 பேரை போலீசார் கைது செய்தனர்.
