57 லட்சம் மோசடி 2 பெண்கள் உட்படநான்கு பேர் கைது!
மதுரை : திருப்பூர் வெள்ளகோவில் உப்பு பாளையம் ரோட்டை சேர்ந்தவர் கார்த்திகேயன் மனைவி நம்புனேஸ்வரி (34), கணவர் கார்த்திகேயன் ரெடிமேட் ஆடை தயாரிக்கும் நிறுவனம் நடத்தி வந்தார் .இவரிடம் மதுரையை சேர்ந்த பாரதி சரவணன், ராஜேஸ்வரி, மகாலட்சுமி, கார்த்திக் என்ற குட்டி கார்த்திக் ஆகிய நான்கு பேரும் கடனுக்குரூ 57 லட்சம் வரை ரெடிமேடு ஜவுளிகள் வாங்கி உள்ளனர். வியாபாரத்தில் நஷ்டம் ஏற்பட்டதால் கார்த்திகேயன் தற்கொலை செய்து கொண்டார்.
இதைத் தொடர்ந்து அவருடைய மனைவி நம்புனேஸ்வரியும் அவருடைய தந்தையும் கடன் வாங்கிய நால்வரிடமும் திருப்பி கேட்டுள்ளனர் .இதனால் அவர்களுக்குள் வாக்குவாதம் ஏற்பட்டது. இதில் ஆத்திரமடைந்த நால்வரும் நம்புகேஸ்வரியின் தந்தையை ஆபாசமாக பேசி உருட்டுக்கட்டை ,இரும்புக்கம்பியால் தாக்கியுள்ளனர் .இந்த சம்பவம்குறித்து நம்புகேஸ்வரி தல்லாகுளம் போலீசில் புகார் செய்தார். போலீசார் வழக்கு பதிவு செய்து அவரது தந்தையை தாக்கிய பாரதி சரவணன், ராஜேஸ்வரி, மகாலட்சுமி, கார்த்திக் ஆகிய நான்கு பேரையும் கைது செய்தனர்.
சுப்பிரமணியபுரத்தில் ஏழு பேர் கைது!
விருதுநகர் மாவட்டம் திருச்சுழி டி. வேலங்குடியை சேர்ந்தவர் சுந்தர்ராஜன் மனைவி கவிதா ராணி (26), சுப்ரமணியபுரம் ராஜா தெருவை சேர்ந்த சோனை இவர்களுக்குள் குடும்ப பிரச்சனை தொடர்பாக முன் விரோதம் இருந்து வந்தது. இந்த நிலையில் சுப்ரமணியபுரம் ராஜா தெருவில் கவிதா ராணியைசோனை, முத்துஇருளாயி, மகாலட்சுமி, மகாலிங்கம், இந்துமதி, நாகராஜன் ஆகிய ஐந்து பேரும் ஆபாசமாக பேசி தாக்கிய தாக்கியுள்ளனர் .இந்த சம்பவம் குறித்து கவிதாராணி கொடுத்த புகாரில் ஜெய்ஹிந்த்புரம் போலீசார் வழக்கு பதிவு செய்து சோனை, முத்துஇருளாயி, மகாலட்சுமி, இந்துமதி, நாகராஜன் ஆகிய நான்கு பேரையும் கைது செய்தனர். இந்த மோதல் தொடர்பாக முத்து இருளாயி (59), கொடுத்த புகாரில் போலீசார் கவிதா ராணி (26), ராஜலட்சுமி, பிச்சைராமு மீது வழக்கு பதிவு செய்து இருதரப்பிலும் மொத்தம் எட்டுபேரை போலீசார் அவர்களை கைது செய்தனர்.
போதையில் தந்தையை தாக்கிய மகன் கைது!
ஜெய்ஹிந்த்புரம் முத்துமாரி அம்மன் கோவில் தெரு முதல் தெருவை சேர்ந்தவர் பூரண செல்வி (52), இவர் மகன் சதீஷ்குமார் (31), சதீஷ்குமாருக்கு குடிப்பழக்கம் இருந்தது. இந்த நிலையில் குடிபோதையில் வந்த சதீஷ்குமார் தாயுடன் தகராறு செய்து ஆபாசமாக பேசி இரும்பு பைப்பால் தாக்கினார். இந்த சம்பவம் குறித்து பூரணசெல்வி ஜெய்ஹிந்த்புரம் போலீசில் புகார் செய்தார் .போலீசார் வழக்கு பதிவு செய்து தாயை தாக்கிய மகன் சதீஷ்குமார் (31), ஐ கைது செய்தனர்.
மதுரையிலிருந்து நமது நிருபர்
திரு.ரவி
