கேரள லாட்டரிகள் பறிமுதல் இரண்டு பேர் கைது!
மதுரை : மதுரை கலெக்டர் ஆபீஸ் ரோடு இந்திரா நகர் சந்திப்பில் அண்ணாநகர் போலீசார் ரோந்துப்பணியில் ஈடுபட்டிருந்தனர். அப்போது அவர்கள் தடை செய்யப்பட்ட கேரளா லாட்டரி விற்பனை செய்த இரண்டு முதியவர்களை பிடித்தனர்.அவர்களிடமிருந்து 720 கேரளா லாட்டரிகளை பறிமுதல் செய்தனர். அவர்களிடம் விசாரணை நடத்திய போது இந்திரா நகர் அய்யனார் கோவில் தெரு சோனமுத்து (66) அதே பகுதியைச் சேர்ந்த பாண்டி (58) என்று தெரிய வந்தது அவர்களை கைது செய்தனர்.
பணம் வைத்து சூதாடிய 8 பேர் கைது!
திருப்பரங்குன்றத்தில் உள்ள ஒரு திருமண மஹாலில் சிலர் பணம் வைத்து சூதாடி கொண்டிருந்தனர். இந்த தகவல் அறிந்த திருப்பரங்குன்றம் போலீசார் அந்த திருமண மண்டபத்திற்கு சென்று சோதனை நடத்தினர்.சோதனையில் அங்கு பணம் வைத்து சூதாடிய திருப்பரங்குன்றம் சிவராஜ் (38), முத்துக்குருசாமி (68), மாரிமுத்து (55), குமாரசாமி (53), ஜீவானந்தம் (69)ஆகிய ஐந்து பேரையும் கைது செய்து அவர்களிடம் இருந்து சீட்டுக்கட்டுகளையும் சூதாடிய பணம் ரூ.9240 ஐயும் பறிமுதல் செய்தனர்.
மற்றொரு சூதாட்டத்தில் கைது :
வைகை பாலத்தில் பணம் வைத்து சூதாடிய முனிச்சாலையை சேர்ந்த ரத்தினகுமார் (54) காமராஜபுரத்தை சேர்ந்த முருகேசன் (52), நெல்பேட்டையை சேர்ந்த சுப்ரமணியன் ஆகிய மூவரையும் விளக்குத்தூண் போலீசார் கைது செய்து அவர்களிடமிருந்து ரூ 310 ஐயும் சீட்டுக்கட்டுக்களையும் பறிமுதல் செய்தனர் .மதுரையில் திருப்பரங்குன்றம் மற்றும் வைகைஆற்றுப்பகுதியில் பணம்வைத்து சூதாடிய எட்டு பேரை கைது செய்த போலீசார் அவர்களிடம் 9 ஆயிரத்து 550யும் பறிமுதல் செய்தனர்.
மதுரையிலிருந்து நமது நிருபர்
திரு.ரவி
