வில்லாபுரத்தில் வாலிபர் கைது!
மதுரை : மதுரை ஜெய்ஹிந்த்புரம் சோலை அழகுபுரம் ராமமூர்த்தி நகர் மூன்றாவதுகுறுக்குத்தெருவை சேர்ந்தவர் மீனாட்சிசுந்தரம் மகன் பாண்டிகணேஷ் (33), முத்துப்பட்டியை சேர்ந்தவர் கருப்பையா மகன் செந்தில் என்ற உண்டியல் செந்தில் (35), இவர்களுக்குள் முன்விரோதம் இருந்தது. இந்த நிலையில் வில்லாபுரம் வீட்டுவசதி வாரியகுடியிருப்பில் டீக்கடைமுன்பாக சென்ற பாண்டிகணேசை செந்தில்குமார் ஆபாசமாகபேசி மரக்கட்டையால் தாக்கினார். இந்த சம்பவம்குறித்து பாண்டிகணேஷ் அவனியாபுரம் போலீசில் புகார்செய்தார். போலீசார் வழக்குப்பதிவுசெய்து அவரைதாக்கிய செந்தில்குமாரை கைது செய்தனர்.
ஆட்டோ டிரைவர்கள் மோதல் 2 கைது!
கோரிப்பாளையத்தில் பயணிகளை ஏற்றுவதில் ஏற்பட்ட தகராறில் மோதிக்கொண்டதில் இரண்டு பேரை போலீசார் கைது செய்தனர். குலமங்கலம் அம்பேத்கர்காலனியை சேர்ந்தவர் ராஜாமுகமது (45), இவர் ஆட்டோ ஓட்டிவருகிறார்.கோரிப்பாளையம் ஆட்டோஸ்டாண்டில் நிறுத்தி ஆட்டோ ஓட்டி வருகிறார்.இவரைப்போல கோரிப்பாளையம் பாலம் ஸ்டேசன் ரோடு மேலகாரத்தோப்புவை சேர்ந்த சிக்கந்தர் மகன் அலாவுதீன் என்ற ஜாபர்அலியும் (21), அதே ஸ்டாண்டிலிருந்து ஆட்டோ ஓட்டி வருகிறார். இங்கு பயணிகளை ஏற்றுவதில் இவர்களுக்குள் தகராறு ஏற்பட்டது. இதில் அவர்கள் ஒருவரை ஒருவர் தாக்கிக்கொண்டனர். இந்த தாக்குதல் குறித்து ராஜாமுகமதுகொடுத்தபுகாரில் மதிச்சியம் போலீசார் வழக்குப்பதிவுசெய்து அலாவுதீனை கைதுசெஎய்தனர். சிக்கந்தர் என்பவர் கொடுத்தபுகாரில் ராஜாமுகமதுவை போலீசார் கைது செய்தனர்.
மதுரையில் பைக் ஆசாமிகள் கைவரிசை!
மதுரை சுப்பிரமணியபுரம் இரண்டாவது தெருவை சேர்ந்தவர் சுப்பிரமணியன் மகன் காளிராஜா (27), இவர் பைபாஸ் ரோட்டில் சம்பவத்தன்று இரவு சென்று கொண்டிருந்தார். அப்போது பைக்கில் வந்த மூன்று ஆசாமிகள் அவருடைய செல்போனை பறித்து சென்று விட்டனர். இது குறித்து அவர் எஸ் எஸ் காலனி போலீசில் புகார் செய்தார்.போலீசார் வழக்கு பதிவு செய்து அவரிடம் செல்போன்பறித்த ஆசாமிகளை தேடி வருகின்றனர் .
மற்றொரு செல்போன் பறிப்பு :
சிம்மக்கல் திருமலைராயர் படித்துறை ரோட்டை சேர்ந்தவர் சாபர்சிங் மகன் ஹரிஷ் (20), இவர் ஆரப்பாளையம் T.T மெயின் ரோட்டில் சென்று கொண்டிருந்தார் அப்போது பைக்கில் வந்த இரண்டு ஆசாமிஇள் அவரிடம் இருந்த செல்போனை பறித்து சென்று விட்டனர். இந்த சம்பவம் குறித்து ஹரிஷ் கரிமேடு போலீசில் புகார் செய்தார். போலீசார் வழக்கு பதிவு செய்து அவரிடம் செல்போன் பறித்த ஆசாமிகளை தேடி வருகின்றனர்.
கூடல் புதூரில் பெயிண்டர் பலி!
தல்லாகுளம் கண்மாய் மேல தெருவை சேர்ந்தவர் முருகேசன் மகன் குணசேகரன் (31), இவர் பெயிண்டராக வேலை பார்த்து வந்தார். கூடல் புதூரில் அபார்ட்மெண்ட் ஒன்றில் பெயிண்ட் அடித்துக் கொண்டிருந்தபோது கால் தவறி கீழே விழுந்தார். இதில் அவருக்கு பலமாக அடிபட்டு உயிருக்கு போராடினார். அவரை சிகிச்சைக்காக மதுரை அரசு மருத்துவமனையில் சேர்த்தனர். அங்கு சிகிச்சையில் இருந்தவர் சிகிச்சை பலனின்றி பரிதாபமாக உயிரிழந்தார். இந்த சம்பவம் குறித்து மனைவி ராக்கு கூடல் புதூர் போலீசில் புகார் செய்தார். போலீசார் வழக்கு பதிவு செய்து பெயிண்டர் குணசேகரனின் சாவுக்கான காரணம் குறித்து விசாரணை நடத்தி வருகின்றனர்.
மதுரையிலிருந்து நமது நிருபர்
திரு.ரவி
