திருமங்கலத்தில் வாலிபர் போக்சோவில் கைது!
மதுரை : மதுரை திருமங்கலத்தை சேர்ந்தவர் சின்ன கண்ணன் மகன் கார்த்திக் (21), இவர் பிளஸ் டூ மாணவி ஒருவரிடம் பழகி வந்தார். இவருக்கு பலமுறை செக்ஸ் டார்ச்சர் கொடுத்துவந்தார். இந்த நிலையில் அவர் படிக்கும் பள்ளி ஆண்டு விழாவின் போதும் பள்ளிக்கு சென்று அங்கும் செக்ஸ் டார்ச்சர் செய்துள்ளார். இதனால் மணமுடைந்த மாணவி சானிடைசரை குடித்து தற்கொலைக்கு முயன்றார். உயிருக்கு ஆபத்தான நிலையில் அவரை மருத்துவமனையில் சேர்த்தனர். அங்கு அவருக்கு தீவிர சிகிச்சை அளிக்கப்பட்டு வருகிறது. இந்த சம்பவம் குறித்து அந்த மாணவி கொடுத்த புகாரில் திருமங்கலம் அனைத்து மகளிர் போலீசார் வழக்கு பதிவு செய்து மாணவிக்கு டார்ச்சர் கொடுத்த வாலிபர் கார்த்திக் 21 என்பவரை கைது செய்தனர்.
மில் காவலாளி வீட்டில் திருட்டு!
கோவை குனியமுத்தூரை சேர்ந்தவர் முத்து (43), இவர் திருமங்கலம் ராஜாஜி தெருவில் வசித்து வருகிறார். இவர் திரளியில் உள்ள மில் ஒன்றில் காவலாளியாக வேலை பார்த்து வருகிறார். சம்பவத்தன்று வீட்டில் அயர்ந்து தூங்கிக் கொண்டிருந்தார் அதிகாலை எழுந்து பார்த்தபோது அவர் வீட்டின் முன்பாக நிறுத்தி இருந்த அவரது பைக்கையும் வீட்டில் வைத்திருந்த இரண்டு செல்போன்களையும் மர்ம ஆசாமி திருடிச் சென்றுவிட்டார். இந்த திருட்டு குறித்து முத்து திருமங்கலம் டவுன் போலீசில் புகார் செய்தார். போலீசார் வழக்கு பதிவு செய்து அவரது வீட்டில் திருடிய ஆசாமியை தேடி வருகின்றனர்.
பெண்ணிடம் கைவரிசை,மர்ம ஆசாமிக்கு வலை!
திருமங்கலம் சப் கோர்ட் ஊழியர் குடிச்சேரியைச் சேர்ந்த செல்வி (49), வருடைய ஒருபவுன் மூன்று கிராம் எடையுள்ள தங்கச்சங்கிலி அறுந்த நிலையில் அவர் ஹேண்ட் பேக்கில் அவற்றை வைத்திருந்தார். இந்த நிலையில் ஆலம்பட்டியிலிருந்து சொந்த ஊர் குடிச்சேரிக்கு சென்றார்.அவர் வீட்டின் அருகே சென்று பார்த்த போது ஹேண்ட் பேக்கில் வைத்திருந்த செயினை காணவில்லை. இது குறித்து அவர் திருமங்கலம் தாலுகா போலீசில் புகார் செய்தார். போலீசார் வழக்கு பதிவு செய்து அவருடைய சங்கிலி தொலைந்துவிட்டதா அல்லது யாரும் திருடி விட்டார்களா என்பது குறித்து விசாரணை நடத்தி வருகின்றனர்.
கத்தி முனையில் லழிப்பறி 4 பேர் கைது!
மகபூப் பாளையம் அன்சாரி நகர் முதல் தெருவை சேர்ந்தவர் நடராஜன் மகன் மாரிமுத்து (32) இவர் மளிகைக் கடையை நடத்தி வருகிறார். இவரது கடைக்கு வந்த அதே பகுதியைச் சேர்ந்த அப்பாஸ் (42) என்பவர் கத்தியை காட்டுமிரட்டி அவர் கடையில் இருந்த ரூ 1500ஐ பறித்துச் சென்று விட்டார் .இந்த சம்பவம் குறித்து மாரிமுத்து எஸ் எஸ் காலனி போலீசில் புகார் செய்தார் .போலீசார் வழக்கு பதிவு செய்து அவர் கடையில் பணம் பறித்துச் சென்ற அப்பாஸை கைது செய்தனர் .
அவனியாபுரத்தில் வழிப்பறி : அவனியாபுரம் மார்க்கண்ட சாமி கோவில் தெருவை சேர்ந்தவர் கஜேந்திரன் 45 .இவர் செம்பூர் அணை ரோடு சந்திப்பில்சென்று கொண்டிருந்தார். அவரை மூன்று பேர் வழிமறித்து கத்தி முனையில் மிரட்டி அவரிடமிருந்து ரூ 520ஐ வழிப்பறூ செய்து விட்டனர். இந்த சம்பவம் குறித்து கஜேந்திரன் அவனியாபுரம் போலீசில் புகார் செய்தார் .போலீசார் வழக்கு பதிவு செய்து அவரிடம் வழிப்பறியில் ஈடுபட்ட ஜே ஜே நகர் வல்லலனந்தபுரம் ஆறாவது தெருமுனியசாமி மகன் ரகுபதி 22, வள்ளல் ஆனந்தபுரம் 11 ஆவது தெருவை சேர்ந்த முனியசாமி மகன் அருண் பாண்டி 23, அவனியாபுரம் திருப்பதி நகர் 2வது தெருவை சேர்ந்த சேகர் மகன் தேசிகன்20 ஆகிய மூன்று பேரையும் கைது செய்தனர்.
சோலையழகுபுரத்தில் வழிப்பறி : முத்துப்பட்டி அழகப்பன்நகர் பாண்டியன் நகரைச் சேர்ந்தவர் செல்வம் (45), இவர் சோலைபுரம் முதல் தெரு மெயின் ரோட்டில் சென்று கொண்டிருந்தார் .அவரை வழிமறித்த வாலிபர் கத்தி முனையில் மிரட்டி அவரிடம் இருந்து ரூ385 ஐ வழிப்பறி செய்துவிட்டார். இந்த சம்பவம் குறித்து செல்வம் ஜெய்ஹிந்துபுரம் போலீசில் புகார் செய்தார். போலீசார் வழக்கு பதிவு செய்து அவரிடம் வழிப்றியில் ஈடுபட்ட சோலையழகுபுரம் முதல் தெரு இந்திரா நகர் மூன்றாவது தெருவை சேர்ந்த சுகுமார் மகன் பிரவீன் குமார் என்ற ஆட்டோ பிரவீன் (31), என்பவரை கைது செய்தனர்.
மதுரையிலிருந்து நமது நிருபர்
திரு.ரவி
