பட்டப்பகலில் பைக் ஆசாமிகள் 3 பேர் கைவரிசை
மதுரை : குருவிக்காரன் சாலை அருகே ஆசாரி தோப்பு பகுதியை சேர்ந்தவர் வாணி (60), இவர் அந்த பகுதியில் உள்ள மருத்துவமனை முன்பாக காலை பதினோருமணி அளவில் நடந்து சென்று கொண்டிருந்தார். அப்போது அந்த வழியாக பைக்கில் சென்ற மூன்று ஆசாமிகள் அவர் அனிந்திருந்த இரண்டரைபவுன் தங்க செயினை பறித்துச் சென்று விட்டனர். இந்த செயின் பறிப்பு குறித்து பழனி அண்ணா நகர் போலீசில் புகார் செய்தார். போலீசார் வழக்கு பதிவு செய்து அவரிடம் செயின் பறித்த ஆசாமிகளை தேடி வருகின்றனர்.
வேலையில்லாத விரக்தியில் தற்கொலை
வில்லாபுரம் வேலுப்பிள்ளை தெருவை சேர்ந்தவர் ஹரிஹரன் (59), இவருக்கு குடிப்பழக்கம் இருந்தது. நிரந்தர வேலை இல்லை. இதனால் மன அழுத்தத்தில் இருந்து வந்தார். இந்த நிலையில் வீட்டில் தனியாக இருந்தபோது சேலையால் தூக்கு போட்டு தற்கொலை செய்து கொண்டார். இவரது தற்கொலை குறித்து அவருடைய மனைவி சாந்தி அவனியாபுரம் போலீசில் புகார் செய்தார். போலீசார் வழக்கு பதிவு செய்து ஹரிஹரனின் தற்கொலைக்கான காரணம் குறித்து விசாரணை நடத்தி வருகின்றனர்.
மனைவியிடம் தகராறு கணவர் தூக்கு போட்டு தற்கொலை
திரு நகர் மூன்றாவது நிறுத்தம் லயன் சிட்டியை சேர்ந்தவர் காளிராஜன். இவருக்கும் இவர் மனைவிக்கும் இடையே அடிக்கடி தகராறு ஏற்பட்டது. சம்பவத்தன்றும் வாய்த்தகராறு நடந்தது .இதனால் மணமுடைந்த கணவர் காளிராஜன் வீட்டில் தூக்கு போட்டு தற்கொலை செய்து கொண்டார். இந்த தற்கொலை குறித்து அவர் தந்தை பொன்ராம் திருநகர் போலீசில் புகார் செய்தார் .போலீசார் வழக்கு பதிவு செய்து காளி ராஜனின் தற்கொலைக்கான காரணம் குறித்து விசாரணை நடத்தி வருகின்றனர்.
குண்டர் சட்டத்தில் வாலிபர் கைது
செல்லூர் நந்தவனம் நேதாஜி இரண்டாவது தெருவை சேர்ந்தவர் குபேந்திரன் மகன் பிரவீன் குமார் என்ற திக்குவாயன் (27), இவர் மதுரையில் செயின் பறிப்பு, வாகனத்திருட்டு, வழிப்பறி போன்ற குற்றங்களில் ஈடுபட்டு வந்துள்ளார். இவரை போலீசார் தொடர்ந்து கண்காணித்து வந்தனர். இந்த நிலையில் இந்த குற்றச்செயலில் ஆவர் தொடர்ந்து ஈடுபட்டு பொது ஒழுங்கு பராமரிப்பிற்கு குந்தகமாக செயல்பட்டு தொடர்ந்து செயல்பட்டு வந்ததார்.இதனால் இவரது சட்ட விரோத நடவடிக்கைகளை கட்டுப்படுத்த அவரை குண்டர்தடுப்பு சட்டத்தில் கைது செய்யும்படி போலீஸ்கமிசனர் நரேந்திரன் நாயர் உத்தரவிட்டார் .அவருடைய உத்தரவின் பேரில் பிரவீன் குமார் என்ற திக்குவாயனை போலீசார் குண்டர் சட்டத்தில் கைது செய்தனர்.
மதுரையிலிருந்து நமது நிருபர்
திரு.ரவி
