திண்டுக்கல்: ரயில்வே போலீசார், இன்ஸ்பெக்டர் அருள் ஜெயபால் தலைமையில் சோதனையில் ஈடுபட்டிருந்தனர்.மைசூரில் இருந்து தூத்துக்குடி செல்லும் மைசூர் எக்ஸ்பிரஸ் ரயிலில் சோதனை செய்தனர். சந்தேகப்படும்படியாக ரயிலில் பயணம் செய்தவரிடம் சோதனை செய்ததில், அவரிடம் மதுபாட்டில்கள் இருப்பது தெரிய வந்தது.
அவரிடம் போலீசார் நடத்திய விசாரணையில் மதுரை ஒத்தக்கடை சேர்ந்த மீனாட்சிசுந்தரம் (44) என்பதும் மதுபாட்டில்கள் சட்டவிரோதமாக கடத்திச் செல்வதும் தெரியவந்தது
. இதனையடுத்து, மீனாட்சிசுந்தரத்தையும் அவரிடம் இருந்து கைப்பற்றப்பட்ட 20 மதுபாட்டில்களுடன் திண்டுக்கல் மதுவிலக்கு போலீசாரிடம் ஒப்படைத்தனர். அவர் மீது வழக்கு பதிவு செய்த போலீசார் மீனாட்சிசுந்தரத்தை கைது செய்து. விசாரணை நடத்தி வருகின்றனர்.
