மதுரை : சோழவந்தான் அருகே நகரி நான்குவழிச் சாலையில் கடந்த 11 ஆம் தேதி சோழவந்தான் போலீசார் பாதுகாப்பு பணியில் இருந்து கொண்டிருந்தனர். அப்போது அந்த வழியாக இமானுவேல் சேகரன் குருபூஜை விழாவிற்கு சென்று கொண்டு இருந்த ஒரு சிலர் பாதுகாப்பு பணியில் இருந்த போலீஸாரிடம் வாக்குவாதம் செய்து தகராறு ஈடுபட்டனர். இதனால், இருதரப்பினருக்கும் தள்ளுமுள்ளு ஆனது. இதில் போலீசாருக்கு லேசான காயம் ஏற்பட்டது. இது குறித்து,சோழவந்தான் இன்ஸ்பெக்டர் பால்ராஜு விசாரணை செய்தார். இதன் பேரில் போலீசார் வழக்குப்பதிவு செய்து, சம்பந்தப்பட்டவர்களை வலை வீசி தேடி வந்தனர். இதில், அம்பலத்தடி கிராமத்தை சேர்ந்த அசோக்குமார் 21, பிள்ளையார் நத்தம் கிராமத்தைச் சேர்ந்த திருச்செந்தில் வயது (20). ஆகிய இருவரை போலீசார் கைது செய்தனர்.
மதுரையிலிருந்து நமது நிருபர்
திரு.ரவி
