திண்டுக்கல்: திண்டுக்கல் மாவட்டம் பழனி அருகே உள்ள தொப்பம்பட்டி சோதனைச்சாவடியில் கீரனூர் போலீசார் வாகனத் தணிக்கையில் ஈடுபட்டிருந்தனர். அப்போது அவ்வழியை வந்த டாட்டாசுமோ வாகனத்தை நிறுத்தி சோதனையிட்டனர். அப்போது அவர்கள் முன்னுக்குப்பின் முரணாக பதிலளித்ததை தொடர்ந்து சந்தேகமடைந்த போலீசார் வாகனத்தை சோதனையிட்டபோது .
காரில் நாட்டுத் துப்பாக்கி இருந்தது கண்டு அதிர்ச்சி அடைந்த போலீசார் துப்பாக்கியை பறிமுதல் செய்தனர். தொடர்ந்து அவர்களிடம் விசாரித்ததில் கள்ளக்குறிச்சியில் இருந்து பழனி அருகே உள்ள வனப்பகுதியில் வேட்டையாட சென்றது தெரியவந்தது.
இதனையடுத்து காரில் வந்த முருகன் 39 மாணிக்கம் 40, சத்யராஜ் 40, ஏழுமலை 37, ராமச்சந்திரன் 39, சீனிவாசன் 60)\ ஆகிய 6பேரை கைது செய்த போலீசார் டாட்டா சுமோ வாகனத்தையும் பறிமுதல் செய்தனர். இதையடுத்து வாகன சோதனையில் ஈடுபட்ட போலீசாரை எஸ்.பி திரு.சீனிவாசன் நேரில் அழைத்து பாராட்டு தெரிவித்தார் .மேலும் வாகனம் தணிக்கையின் போது இவ்வாறு கண்டுபிடித்து நடவடிக்கை எடுப்பதை போலீசார் வழக்கமாக கொள்ள வேண்டும் என அறிவுறுத்தினார்.
திண்டுக்கல்லில் இருந்து நமது குடியுரிமை நிருபர்.
திரு.அழகுராஜா
