திருவண்ணாமலை : திருவண்ணாமலை மாவட்ட காவல் கண்காணிப்பாளர் திரு.கி. கார்த்திகேயன், அவர்களுக்கு கிடைத்த ரகசிய தகவலின் படி திருவண்ணாமலை கிராமிய உட்கோட்ட காவல்துறை கண்காணிப்பாளர் திருமதி.அஸ்வினி அவர்கள் மேற்பார்வையில் தண்டராம்பட்டு வட்ட காவல் ஆய்வாளர் திருமதி. தனலட்சுமி, அவர்கள் தலைமையில் காவலர்கள் இணைந்து நடத்திய தேடுதல் வேட்டையில் திருவண்ணாமலை மாவட்டம் தண்டராம்பட்டு வட்டம் உடையார் குப்பத்தை சேர்ந்த சுப்பிரமணி (60), என்பவர் அவருக்கு சொந்தமான பெட்டிக்கடையில் ஹான்ஸ் மற்றும் குட்கா போன்ற போதைப் பொருட்களை விற்பனை செய்தது கண்டுபிடிக்கப்பட்டு அவரை கைது செய்து உரிய நடவடிக்கை எடுக்கப்பட்டது. மேலும் அவரிடம் இருந்து சுமார் 4.2 கிலோ கிராம் எடையுள்ள ஹான்ஸ் மற்றும் குட்கா போன்ற போதைப் பொருட்கள் கைப்பற்றப்பட்டது.
