திருவண்ணாமலை: திருவண்ணாமலை மாவட்டம்,செய்யாறு தாலுகா கீழ்புதுப்பாக்கம் பசும்பொன் நகரை சேர்ந்தவர் சித்ரா 45.இவர் செய்யாறு சார்பு நீதிமன்றத்தில் தட்டச்சு ஊழியராக பணிபுரிந்து வருகிறார். இவர் சம்பவத்தன்று நேற்று முன்தினம் இரவு 9 மணியளவில் பைக்கில் வீட்டுக்கு திரும்பி கொண்டிருந்தார்.
அப்போது அவரை பின்தொடர்ந்து மற்றொரு மோட்டார் சைக்கிளில் வந்த 2 மர்ம நபர்கள் சித்ராவை வழிமறித்து கீழே தள்ளிவிட்டு அவரது கழுத்தில் இருந்த 5 பவுன் தங்கச் சங்கிலியைப் பறித்துக் கொண்டு அங்கிருந்து தப்பிச் சென்றனர்.
இதுகுறித்து சித்ரா செய்யாறு காவல் நிலையத்தில் புகார் அளித்தார்.அதன்பேரில் போலீசார் வழக்குப்பதிவு செய்து சம்பவ இடத்திற்கு சென்று விசாரணை நடத்தினர்.பின்னர் அங்கிருந்த சி.சி,டிவி காட்சிகளை வைத்து ஆய்வு நடத்தி திருட்டில் ஈடுபட்ட மர்மநபர்களை தேடி வருகின்றனர்.
திருவண்ணாமலை மாவட்டத்திலிருந்து நமது நிருபர்
திரு.தாமோதரன்
