கோவை: கோவை ரயில் நிலையம்,ரேஸ் கோர்ஸ் காந்திபுரம் ஆகியபகுதிகளில் கார் மற்றும் இருசக்கர வாகனங்கள் அடிக்கடி திருட்டு போனது. இதை கண்டுபிடிக்க கோவை மாநகர போலீஸ் கமிஷனர் தீபக். எம்.தாமோர் உத்தரவின் பேரில் துணை போலீஸ் கமிஷனர் உமா மேற்பார்வையில் தனிப்படை அமைக்கப்பட்டது.
இவர்கள் தீவிரமாக துப்பு துலக்கி திருச்சி மாவட்டம் மணச்சநல்லூரைச் சேர்ந்த ராஜா என்ற ஆரோக்கிய சகாய தர்மராஜ் (வயது 56) என்பவனை இன்று கைது செய்தனர் .இவனிடமிருந்து 2கார்கள் ,ஒரு புல்லட், 2 பைக் பறிமுதல் செய்யப்பட்டது.
இவன் சென்னை திருப்பூர் சிவகங்கை |கோவை ஆகிய மாவட்டங்களில் பல்வேறு இருசக்கர வாகனதிருட்டு வழக்கில் தொடர்புடையவன் என்பது விசாரணையில் தெரியவந்தது .இவனிடம் விசாரணை நடந்து வருகிறது.
